Nakahanda na si Filipino Olympic Bantamweight boxer Aira Villegas para sa iya sambuwa karun sa kaaganhon. (Aug 2 – Oras sa Pilipinas).
Si Villegas ang magahampang sa quarterfinals sang women’s 50kg boxing sa nagapadayon nga Paris Olympics.
Makuntra niya ang batikan nga Algerian boxer nga si Roumaysa Boualam kag natalana ang hampang sang duha karun takna alas-2:16 sang maga-aga (August 2) oras sa Pilipinas.
Si Villegas ang pinakauna nga Pinoy boxer nga naghampang sa Paris Olympics kag nahimo niya nga piyerdihon si Yasmine Mouttaki sang Morocco, rason agud mag-abante siya sa quarterfinals.
Kasubong man, makasambuwa niya sa quarterfinals ang No.2 seed sa nasambit nga event nga anay na nga nagpauli sang mga gold medals sa nagkalain lain nga international boxing competition.
Si Boualam ang pinakauna nga female boxer sang Algeria nga nakasulod sa Olympics, una amo sadtong Tokyo Games.
Nagpauli na siya sang bulawan nga medalya sa African Championships, African Games, Mediterranean Games, kag Arab Games sa mga nakaligad nga tatlo ka tuig.
Ang mangin hampang ni Villegas amo ang naga-isahanon nga hampang sang Team Philippines sa day No. 6 sang Paris Olympics.
