-- ADVERTISEMENT --
Ginpahayag sang Akbayan nga handa sila maghatag sang bug-os nga suporta kay Risa Hontiveros sakali nga magdesisyon ini nga magpadalagan bilang presidente sa 2028.
Suno sa partido, si Hontiveros isa sa mga lider nga ila ginakabig nga may kapasidad sa pag-atubang sang mga problema sang pungsod kaangay sang kahirapan, krisis sa gobyerno, kag pagkadismaya sang publiko.
Nauna na nga nagpahayag si Hontiveros nga bukas siya sa posibilidad nga magpadalagan sa pagkapangulo kon siya ang pilion nga standard-bearer sang oposisyon sa masunod nga eleksyon.
May posibilidad man nga makaatubang niya si Sara Duterte nga nauna na nag-anunsyo sang plano nga magpadalagan sa 2028 presidential race.
