Nagsabat ang Akbayan party-list batok kay Vice President Sara Duterte matapos sini tawgon nga pagpang-aabuso sa proseso sang impeachment ang reklamo nga gin-endorso sang grupo batok sa iya.
Hugot nga ginsiling sang Bise Presidente nga wala sang batayan ang ansambit nga impeachment complaint.
Apang suno sa Akbayan, kung matu-od nga wala sang pulos ang amo nga reklamo, indi na kinahanglan pa sang bise presidente nga magpagwa sang pahayag agud atakihon ang grupo imbes kuntani nga sabton ang mga alegasyon.
Dugang pa sang grupo, tama na ang mga palusot kag ginaganyat si VP Sara na maghanda nga magbutang sa kasaysayan bilang una nga bise presidente nga gin-impeach sang makaduha ka bes.
Madumduman nga una na nga ginkumpirma ni House Secretary General Cheloy Garafil nga na-file na sa talatapan ni House Speaker Faustino “Bojie” Dy III ang duha ka reklamo sa impeachment batok sa bise presidente.
