Ginaduso sang Akbayan Reform Bloc ang House Bill 5692 ukon ang Responsible and Empowered Adolescents Law (REAL) sa Kongreso agud matapna ang pagtaas sang teenage pregnancy sa pungsod.
Suno kay Akbayan Party-list Representative Perci Cendaña, kinahanglan nga bag-uhon ang ksubong nga mga kasuguan bangud indi na ini epektibo sa pagtapna sang nagadaku nga problema sa temprano nga pagbusong.
Dugang pa niya, ang mga polisa sa sexual kag reproductive health wala nagasabat sa mga kinahanglanon sang madamo nga mga pamatan-on.
Ginhatagan pagtamod sang mamalidha nga dapat itudlo sang insakto kag masangkad ang sexuality education sa mga buluthuan agud may bastante nga ihibalo ang mga pamatan-on.
Ang mayor nga katuyuan sang hagna amo ang paghatag gahum sa mga pamatan-on sa paghimo sang responsable nga mga desisyon nahanungod sa ila reproductive health.
Ginapahayag man sini ang pagpatuman sang sexuality education sa mga komunidad nga nagakabagay sa kultura, edad, kag pag-uswag sang mga pamatan-on.
