Sa tunga sang House Committee on Justice hearing, samtang ginadikusyonan kon bala buksan ang BIR box, ginsambit ni SAGIP Partylist Rep. Paolo Marcoleta ang mga linya gikan sa pelikula, pagkatapos niya ini gin-angot sa karakter ni John Lloyd Cruz bilang Popoy sa “One More Chance,”.
Ginhangkat ni Marcoleta ang komite nga buksan ang kahon, apang ginsambit niya nga kasubong sang ginsiling ni “Popoy,” isa ka karakter nga gindula ni John Lloyd Cruz, kinahanglan anay sang “acceptable reason” antes ini himuon.
Ginpanindugan sini nga dapat siguraduhon sang komitiba nga wala sila nagalapas sa kasuguan kag may bastante nga legal grounds antes buksan ang kahon.
Apang gin-correct ini ni Akbayan Rep. Percival Cendaña nga inDdi si Popoy ang nagsambit sang linya.
Suno kay Cendaña, ang linya nga “I deserve an explanation, I deserve an acceptable reason” ang ginhambal sang karakter nga gindula ni Piolo Pascual sa pelikula nga Starting Over Again.
Dugang pa ni Cendaña nga nagalaum siya nga samtang ginahulat sang publiko ang desisyon angut sa pagbukas sang kahon, indi ini maglab-ot sa sitwasyon nga daw kaangay isa ka “starting over again,” nga nagatumod sa nasambit nga pelikula.
