Gintawag ni Akbayan Rep. Chel Diokno nga ‘big disappointment’ ang kapaslawan sang Philippine government nga mapabalik sa Pilipinas si fomer Ako-bicol Partylist Rep. Zaldy Co.
Kasunod ini sang kumpirmasyon sang Department of Justice (DOJ) nga wala na sa kustodiya sang mga otoridad sa Czech Republic si ang pugante nga si Zaldy Co.
Suno sa iya, isa ka disspointment ang natabo, kag dapat ini ipaathag sang gobyerno sang Pilipinas.
Kinahanglan man suno sa iya nga pasaligon sang gobyerno ang poubliko nga ginahimo sini ang tanan agud ma-track si Co kag mapabalik sa Pilipinas sa labing madali nga panahon.
Matandaan, una nga gin-anunsyo ni President Ferdinand Marcos Jr. nga ‘gin-aresto’ si Co sa Czech Republic pila ka adlaw ang nakaligad.
Gilayon naman nga nagpadulong sa nasambit nga pungsod ang special team sa pagpanguna ni Department of Justice Sec. Frederick Vida apang wala nila makit-an si Co nga yara sa kustodiya sang mga otoridad sang Czech.
Sa subong, indi pa maathag kun sa diin ang eksakto nga lugar nga ginkahamtangan ni Co.
