Ginaduso sa Kongreso nga himuon 105 ka adlaw ang paternity leave gikan sa pito ka adlaw.
Ang House Bill (HB) 9891 ukon ang Paternity and Parental Leave Act, nga kilala man nga PAPA Leave Act, ginaduso sang Akbayan Reform Bloc sa Kamara nga ginapangunahan ni Akbayan party-list Rep. Chel Diokno.
Tinutuyo sang nasambit nga hagna nga mas mahatagan sang atensyon sang mga amay ang ila bag-ong bun-ag nga kabataan.
Sa idalom sang Paternity and Parental Leave Act, ang isa ka amay ang may yara sang 90 ka sunod-sunod nga adlaw nga leave gikan sa nagaluntad nga pito ka adlaw.
Magluwas sini, pagadugangan ini sang 15 ka adlaw upod ang sweldo.
Kun may miscarriage ang iloy, hatagan sang 60 ka adlaw nga PAPA Leave ang amay agud magtutok sa pag-ayo sang iya asawa.
Apang, dapat siguraduhon sang isa ka amay nga ginagamit niya ang iya paternity leave sa pag-atipan sa iya iloy kag bata, kay kon indi, magaatubang siya sang paglapas sa Section 5 (i) sang Republic Act (RA) 9262 ukon sa Anti-Violence Against Women and Their Children Act of 2004.
