Ginaduso sang Akbayan Youth ang pagpalig-on sang mga intervention kag support programs para sa kabataan imbes nga panubuon ang edad sang criminal liability sa pungsod.
Sa interview sang Bombo Radyo kay Claire Lopez, National Vice Chairperson sang Akbayan Youth, iya ginpahayag nga indi ang pagpanubo sang edad sang kriminal nga responsibilidad ang sabat sa nagadamo nga kaso sang kabataan nga nalakip sa krimen, sa baylo, kinahanglan nga hatagan atensyon ang programa para sa edukasyon, mental health support kag rehabilitasyon.
Suno kay Lopez, mas kinahanglan nga tutukan sang gobyerno ang mga ugat sang problema kaangay sang kapigaduhon, kakulangan sang pag-atipan sang pamilya, kakulang sa edukasyon kag iban pa nga social factors nga mahimo magtulod sa kabataan sa paghimu sang sala.
Ini nga pahayag ang kaangot sa pila ka panawagan sang mga Senador nga panubuon ang minimum age of criminal responsibility bangud sang mga insidente sang krimen nga ginalakipan sang mga menor de edad kaangay sang nagluntad sa Tacloban City.
Dugang pa sang natungdan, dapat nga mas mapapag-on ang implementasyon sang mga programa para sa Children in Conflict with the Law (CICL) agud mabuligan sila kag malikaw sa pagbalik sa kriminalidad.
