Nagalaom ang Akbayan Youth nga pagatalakayon ni President Ferdinand Marcos Jr., ang mga nagapanguna nga isyu nga ginapangatubang sang mga kabataan sa iya State of the Nation Address (SONA) sa Hulyo 27, 2026.
Sa interview sang Bombo Radyo kay Venus Crisostomo, Campaigns Officer sang Akbayan Youth, iya ginpahayag nga ginalauman nila nga mabutyag sang Presidente ang kahimtangan sang ekonomiya, lakip na ang mga isyu sa edukasyon kag kalulangan sang trabaho.
Suno kay Crisostomo, padayon nga ginapangatubang sang mga kabataan ang krisis sa edukasyon, lakip ang kakulangan sa suporta para sa mga estudyante, kag ang pagsaka sang presyo sang mga balaklon nga nagapabudlay sa adlaw-adlaw nga pag-pangabuhi.
Nagapanawagan man ang Akbayan Youth sa gobyerno nga magpatuman sang epektibo nga mga programa agud masolbar ang mga problema sa edukasyon, trabaho, kag sa nagapadayon nga pagsaka sang presyo sang mga balaklon.
