Naglunsar sang “people’s manhunt” ang Akbayan Youth batok kay Senador Ronald “Bato” dela Rosa pinaagi sa pagpanglapta sang wanted posters sa Kalayaan Avenue sa Quezon City sang Lunes, Mayo 18. Ginatawag sang grupo si dela Rosa nga “international fugitive” kag “accused mass murderer” kasunod sang arrest warrant nga gin-isyu sang International Criminal Court ukon ICC.
Makita sa mga poster ang mensahe nga “WANTED for crimes against humanity” kag panawagan nga magsungka si dela Rosa sa ICC. May iban man nga posters nga may contact numbers sang National Bureau of Investigation kag ICC agud makapahibalo ang publiko kon makita ang senador.
Suno kay Akbayan Youth National Vice Chairperson Claire Lopez, kinahanglan atubangon ni dela Rosa ang hustisya bangud madamo pa nga pamilya sang mga biktima sang extrajudicial killings ang nagapangayo sang hustisya. Ginhingyo man sang grupo ang publiko nga makig-upod sa ila ginatawag nga “people’s manhunt” agud masiguro nga maatubang ni dela Rosa ang international justice system.
Ginpahayag sang grupo nga ila ini nga aksyon kasunod sang nagluntad nga tensyon sa Senado sang nagligad nga semana, sa diin nagpakita si dela Rosa pagkatapos sang pila ka bulan nga wala makita sa publiko. Gin-ugnay man nila ini sa kontrobersiya may kaangtanan sa impeachment trial ni Vice President Sara Duterte.Akbayan Youth nagpanawagan nga magsungka si Dela Rosa sa ICC
