Wala sang nakikit-an nga rason ang Akbayan Youth para liwat nga i-postpone ang Barangay kag Sangguniang Kabataan Elections (BSKE) 2026.
Sa interview sang Bombo Radyo kay Frank Dela Torre Araneta, miyembro sang Akbayan Youth,iya ginpahayag nga indi dapat nakadepende sa mga politiko ang demokrasya bangod ini nagabase sa kabubut-on kag pagpili sang publiko.
Suno kay Araneta, dapat nga mahatagan sang kahigayunan ang mga botante nga makapili sang bag-o nga mga lider nga kwalipikado kag handa nga magserbisyo sa ila komunidad.
Importante man, suno sa iya, nga maislan ang mga opisyal nga wala nagatuman sing husto sang ila mga katungdanan agud mahatagan sang kahigayunan ang iban pa nga mga lider nga magserbisyo sa barangay kag sa kabataan.
Nagapanawagan man ang natungdan sa mga botante nga mangin kag responsable sa pagpili sang ila igaboto kag indi basta magpadala sa impluwensya sang mga politiko.
