Arestado ang isa ka aktibo nga membro sang Philippine Army matapos ginluthang ang isa ka babayi nga iya pakaisa sa Sitio Quinalian, Barangay Apero, Tapaz, Capiz.
Ang biktima amo si alyas “Jer,” 27-anyos, residente sang Sitio Quinalian Ilaya sa amo nga barangay.
Ang suspek naman amo si alyas “June,” 38-anyos, aktibo nga miyembro sang Philippine Army kag residente sang Barangay Roxas sa nasambit nga banwa.
Sa interview sang Bombo Radyo kay Police Major Gregg Anthony Salbang, Officer-in-Charge sang Tapaz Municipal Police Station, iya ginpahayag nga may komosyon nga natabo sa tunga sang biktima kag suspek antes ang pagpangluthang.
Suno kay Salbang, base sa pahayag sang biktima, posible nga yara sa impluwensya sang makahulubog nga ilimnon ang suspek sang natabo ang insidente.
Sa subong, padayon nga ginabulong sa ospital ang biktima, samtang yara naman sa kustodiya sang kapulisan ang suspek para sa nagakaigo nga disposisyon.
