Aktres kag content creator nga si Alex Gonzaga, nagbata na sang una nga anak nila ni Mikee Morada

Nagbata na sang una nga anak nila ni Mikee Morada ang aktres kag content creator nga si Alex Gonzaga.

Ginkumpirma ini sang iya iloy nga si Mommy Pinty Gonzaga kag ginpahayag nga lalaki ang ila first baby.

Suno kay Mommy Pinty, isa lamang ka baby ang ginbata ni Alex kag indi kambal, bangod sa mga huring-huring nga duha ang iya ginadala.

Ginpahayag man nga healthy ang baby boy kag ginapaabot nga si Alex mismo ang magpaambit sang iya childbirth journey paagi sa iya vlog.

Mas malipayon naman ang pamilya Gonzaga-Morada sa pag-abot sang bag-o nga miyembro sang ila pamilya.