Aktres nga si Glaiza De Castro, nagabusong na

Ginpakigbahin sang aktres nga si Glaiza De Castro ang iya pagbusong sang iya una nga bata sa bana nga si David Rainey.

Sa social media post, ginpakigbahin ni Glaiza ang iya laragway kun sa diin makit-an ang iya nga baby bump.

Suno kay Glaiza, ang pag-istorya sa iban nga mga kababainhan kag mga iloy nangin daku nga bulig samtang nagaagi siya sa iya pagpanglakaton bilang isa ka first-time mom.

Nagpabutyag man siya sang mas madalom nga pagdayaw sa mga iloy matapos nga na-eksperyensyahan ang mga pagpanghangkat sang pagbusong.

Matandaan nga ginkasal si Glaiza sa Irish businessman nga si David Rainey sang nagligad nga October 12, 2021, sa Northern Ireland kag liwat man nga ginkasal sa Pilipinas sang January 23, 2023.