Naglapta ang mga espekulasyon nahanungod sa relasyon sa tunga sang aktres nga si Heart Evangelista kag sang iya bana nga si Senator Chiz Escudero, pagkatapos nga ang aktres nag-repost sang isa ka Instagram reel nahanungod sa healing, letting go, kag pagpili sang personal peace.
Wala naman naghatag sang direkta nga paathag si Heart sa pag-repost sang video, nga may mensahe: “Why did she leave? For peace.”
Bangod sini, ang iban nga mga netizens nagpalibog kon bala ang post may kaangtanan sa iya personal nga kabuhi.
Natalupangdan man sang mga netizens nga indi na masami nga naga-appear si Chiz sa bag-o lang nga mga post sang aktres sa social media. Apang, indi ini pat-od nga pamatuod kon bala may yara sila sang problema ukon nagbulagay na.
Matandaan nga sanday Heart kag Chiz nagpakasal sang 2015 kag gin-renew liwat ang ila wedding vows sang Pebrero 2024.
Sa subong, wala pa sang opisyal nga pahayag sa ila nga duha nahanungod sa espekulasyon sa posible nga pagbulagay.
