Gin-depensahan sang aktres nga si Maine Mendoza ang iya bana nga si Quezon City 1st District Representative Arjo Atayde matapos ini ang na-involve sa gina-alegar anomaliya nga flood control projects.
Sa isa ka post, gintawag ni Maine ang mga alegasyon nga “wala sang basehan” kag gin-engganyo ang publiko nga maghulat sang kamatuoran antes magpasar sang paghukom.
Ginpahayag ni Maine nga wala sang sala nga nahimo si Atayde kag bug-os tagipusuon nga nagserbisyo sa iya distrito. Gindugang sini nga nagalaum siya nga manabat ang mga matuod-tuod nga may salabton kag indi maapektuhan ang mga inosente nga tawo.
Samtang, hugot naman nga ginpanginwala ni Atayde ang akusasyon kag ginpahayag nga wala gid siya nakapakig-angot sa mga kontraktor ukon may nabaton nga benepisyo gikan sa mga proyekto.
