Liwat nga maga-atubang ang Alas Pilipinas sa Cambodia sa pagbukas sang SEA V.League Leg 2 sa Jakarta, Indonesia nga nagatuyo nga mag-bounce back kasunod sang ila kapierdihan sa first leg nga ginhiwat sa Candon City, Ilocos Sur.
Nagapabilin nga kumpiyansa si head coach Angiolino Frigoni sa nasambit nga team nga nagtapos sa ikalima nga pwesto sa una nga leg, isa ka lineup kalakip sanday Best Libero Josh Ybañez, Lloyd Josafat, Louie Ramirez, Vince Lorenzo, kag Jude Garcia.
Suno kay Frigoni, nagapabilin nga bukas ang team para sa mga beterano nga mga humalampang nga wala makahampang sa una nga leg kaangay nanday Bryan Bagunas, Marck Espejo, kag Leo Ordiales—bisan pa nga dapat gihapon sila magtrabaho agud makabalik sa national team.
Target subong sang Alas Pilipinas ang pagbalik batok sa Cambodia, ang team nga naglutos sa ila sa sulod sang lima ka set sa first leg kag sa ulihi nakakuha sang tournament championship.
