Magapirma na ang Alas Pilipinas opposite spiker nga si Alyssa Solomon bilang isa ka import sang Nakhon Ratchasima 3M Films sa Thailand Volleyball League.
Pormal nga gin-anunsyo sang kampo ni Solomon ang iya pagsaylo sa Thai club nga amo ang defending champion sa liga.
Ang anay National University standout ginalauman nga makabulig sa kampanya sang Nakhon Ratchasima, isa sa mga powerhouse teams sa Thailand.
Si Solomon ang ikatatlo nga Filipino volleyball player nga nakahampang sa kasubong nga team.
May eksperyensya man siya sa paghampang bilang isa ka import pagkatapos nga nakaupod si Osaka Marvelous sa Japan V.League sang nagligad nga season.
Pila ka beses man siya nga ginkilala bilang Best Opposite Spiker sa SEA V.League samtang nagahampang para sa national team.
