Isa ka tumalagsahon nga albino nga karabaw nga may malaba kag blonde nga buhok ang nangin isa ka instant celebrity sa Bangladesh antes sang selebrasyon sang Eid al-Adha, pagkatapos nga natalupangdan sang publiko ang kaanggid sini si US President Donald Trump.
Ang halos 700-kilo nga karabaw ang ginasagod sa distrito sang Narayanganj, Bangladesh kag ginakuha sang mga tawo agud mag-selfie kag mag-video.
Gintawag ini nga “Donald Trump” bangud sang makatilingala nga buhok sa agtang nga ginapahayag kaangay sang hairstyle sang anay presidente.
Suno sa tag-iya, maamo kag manami ang pag-atipan sa karabaw nga ginapaliguan sang makapila ka beses kada adlaw antes ang Eid.
Ang karabaw ginbaligya naman sa isa ka manugbakal para sa tradisyonal nga halad sa Eid al-Adha.
Sang mga nagliligad nga tinuig, nangin uso na sa pungsod nga may yara sang mga exotic animals nga ginahimo nga atraksyon sa tion sang Eid, nga masami ginahatagan sang mga ngalan sang mga bantog nga personalidad agud makaganyat sang madamo nga mga bisita kag mga bumalakal.
