Gin-anunsyo ni Alden Richards ang iya bag-o nga handom nga mangin piloto, kag gin-share ini sa iya Instagram account. Nag-post sia sang mga litrato gikan sa aviation training center sa Clark, Pampanga, kag gin-captionan ini nga “Reaching new heights, one flight at a time.
Sa mga litrato, makita si Alden nga nagatindog sa tupad sang “Ready for Training” sign kag sa sulod sang flight simulator, nga nagapakita sa iya mga fans sang iya bag-o nga katuyuan.
Pila sa mga kilala nga personalidad nga nangin piloto man sanday Ronnie Liang, Xian Lim, kag Ian Veneracion.
Magluwas sa aviation, aktibo man si Alden sa pagdalagan. Suno sa nauna nga interview, ang pagdalagan indi lamang para sa iya ikaayong lawas kundi para man sa iya mental health.
Samtang, naglunsar man si Alden sang fun run event nga ginatawag “LIGHTS, CAMERA, RUN!” agud mahatagan sang suporta ang mga Filipino filmmakers. Ang fun run pagahiwaton sa Mayo 11 sa Mall of Asia kag bukas sa publiko.
