ROXAS CITY – Malimpyo ang konsensya kag nagapati si Barangay Kagawad kag sa karon nagatindog bilang Officer-in-charge (OIC) sa Barangay Mangoso, banwa sang Sigma nga si Hon. Joel Jacinto, nga natural ang nangin kamatayon ni the late Hon. Monico Jubal Obien.
Sa interview sang Bombo Radyo kay Jacinto, ginpahayag sini nga bilang brgy. kagawad, normal lamang nga mag kuwestiyon sa ila sesyon para sa ginatawag nga transparency sa ginpadulongan sang ila pondo sang 2022, kag normal man nga may yara sang magluntad nga mainit nga pagdiskusyon.
Gin-aku man sini nga ginkuwestyon niya ang wala pagbaton sang bonus sang ila barangay officials, apang wala naman ini nag-insister pa sa sabat sang nagtaliwan nga Punong Barangay nga gin-alokar ang pondo para sa proyekto.
Dugang pa ni Jacinto, nga kun paminsaron siya gani ang ginpulihan sa pagdiskusyon sang tatlo ka mga kaupdanan sini nga kagawad nga sanday Kagawad Rubio, Esteves kag Lajo.
Ginpahayag man sini nga nagakasubo man ini sa pagtaliwan ni Obien, apang masakit lang para sa iya bangud naulamid ang iya pamilya, nga amu ang ‘gina-bash’ sa social media nga ginasiling balasulon sa kamatayon sang Punong Barangay.
Gin-aku man ni Jacinto nga naglain ang iya buot sadto kay Obien sang ginhambalan ini nga maghulat kun mangin isa na ini ka Kapitan, apang pagklaro ni Jacinto nga wala ini nagdumot kay Obien.
Dugang pa sini, nga wala sang kamatuoran nga nagbuya ini sang istorya sa ila barangay nga siya ang ginasaligan ni Mayor Dante Eslabon, kag wala ini nagasako nga buslan si Obien.
Nagpalab-ot man sang pagpangasubo si Jacinto sa pamilya Obien kag luyag kuntani sini nga magduaw sa haya ni Obien apang masakit para sa iya bangud wala ini ginapahangutan sang iya mga kaupdanan, kag amu ang ginapasibangdan nga rason sa kamatayon sang ila Punong Barangay.
Matandaan nga gin-atake sa tagipusoon si Obien pagkatapos sang ila nangin sesyon sa Barangay, sang Enero 28, 2023.
