Naka-focus na subong si Filipina tennis star Alex Eala sa hard-court season matapos maghimo sang kasaysayan sa Wimbledon.
Ginalauman nga maga-intra ang 21 anyos nga si Eala sa Women Tennis Association (WTA) 500 Mubadala DC Open sa Washington, USA, humalin Hulyo 27 tubtob Agosto 2, 2026.
Ang tournament ang pagasakopan sang mga top players lakip na ang mga defending champion nga sanday Leylah Fernandez, Madison Keys, Naomi Osaka, Marta Kostyuk, Iva Jovic, kag Jasmine Paolini.
Nahibaluan nga si Paolini amo ang kataposan nga player nga naatubang ni Eala sa Wimbledon, sa diin nalutos ang Filipina tennis star sa Round of 16 sa score nga 4-6, 6-4, 6-3.
Pagkatapos sang DC Open, ginalauman man nga magahampang si Eala sa National Bank Open sa Toronto, Canada nga maga-umpisa sa Agosto 2.
