Indi na pagpamatbatan sang Women’s Tennis Association (WTA) ang Filipina tennis star nga si Alex Eala matapos ginpili sini nga magrepresentar sa Pilipinas sa 20th Asian Games sa baylo nga magpasakop sa WTA 1000 China Open.
Ini ang ginpahayag ni Philippine Tennis Association (Philta) Executive Director Tonette Mendoza sa ginpatigayon nga hearing sang Senate Committee on Sports.
Ang organisasyon nakahangop sang nahibaluan sini nga luyag sang atleta nga makakuha sang direkta nga slot para sa 2028 Los Angeles Olympics.
Nagpasar man ang WTA sang bag-o nga mga probisyon nga nagahatag sang proteksyon sa mga humalampang nga luyag magserbisyo sa ila pungsod.
Sa subong, nagapahuway si Eala antes magpasakop sa WTA 1000 Wuhan Open sa China nga pagahiwaton sa Oktubre 12 tubtob 18.
