Liwat nga maga-updanay si Filipina tennis star Alex Eala kag American tennis legend nga si Venus Williams sa doubles event sang National Bank Open sa Toronto, Canada.
Ang duha ang ginhatagan sang katapusan nga wildcard slot kag maka-atubang ang Japanese-Russian tandemnga sanday Miyu Kato kag Liudmila Samsonova sa first round.
Ini na ang ikaduha nga kahigayunan nga mag-upod sanday Eala kag Williams matapos makalab-ot sa quarterfinals sang Bad Homburg sang Hunyo.
Nangin madinalag-on ang desisyon ni Eala sang nakuha niya ang iya una nga WTA Tour-level singles title matapos ginlutos si Jessica Pegula sa final.
Magluwas sa doubles, magapasakop man si Eala sa singles sa National Bank Open kun sa diin atubangon niya ang American player nga si Alycia Parks sa Round of 64.
