-- ADVERTISEMENT --

Magasugod na si Filipina tennis star Alex Eala sang iya 2027 season paagi sa pagpasakop sa ASB Classic sa Auckland, New Zealand, nga natalana nga hiwaton sa Enero 4 tubtob 10.

Ginalauman nga malakip si Eala sa mga seeded players sang WTA 250 tournament bangud sa iya subong nga ika-15 nga pwesto sa Women’s Tennis Association (WTA) rankings, ang pinakamataas nga iya nalab-ot sa iya career.

Ini nga torneo indi bag-o kay Eala matapos nakalab-ot ini sa semifinals sang singles event sang Enero subong nga tuig, kon sa diin napierde ini kay Wang Xinyu sang China.

Nagpaindis-indis man siya sa doubles event upod sa American player nga si Iva Jovic, apang pareho sila nga napaslawan sa semifinals.

Suno kay Eala, excited siya nga makapauli sa Auckland bangud sa mainit nga pagbaton kag suporta sang Pinoy community didto.

-- ADVERTISEMENT --

Kabahin sang preparasyon sang Pinay netter para sa Australian Open amo ang pagpasakop sa ASB Classic, nga pagahiwaton sa Melbourne sa Enero 17 tubtob 31.