Natalana nga magapasakop sa Round of 16 sang WTA 500 Ningbo Open 2026 ang Filipina tennis sensation kag World No. 20 nga si Alex Eala kon sa diin atubangon sini ang Russian tennis star kag World No. 13 nga si Diana Schneider.
Si Eala nakasulod sa round of 16 pagkatapos nga ginlutos ang French player nga si Diane Parry sa score nga 6-3, 6-1 sa round of 32 sang torneo.
Samtang, si Shnaider, ang sixth seed sang torneo, madinalag-on man nga nakasulod sa Round of 16, pagkatapos nga ginlutos ang Kazakhstani player nga si Yulia Putintseva.
Bilang isa sa mga seeded players sang kompetisyon, ginalauman nga mangin mabudlay ang hampang ni Shnaider batok kay Eala.
Pagahiwaton ang round of 16 sa Ningbo Yinzhou Tennis Center sa Ningbo China subong nga adlaw.
