Posible nga mapamatbatan sang sanction ang Filipina tennis star nga si Alex Eala matapos ginpili sini nga unahon ang 2026 Asian Games sang sa WTA 1000 China Open.
Sa idalom sang WTA rules, mandatory ang pagpasakop sa China Open para sa mga kwalipikado nga mga humalampang, lakip si Eala nga amo subong ang World No. 18, luwas kon may exemption nga ginhatag.
Nagapakig-angut ns ang Philippine Tennis Association ukon PHILTA sa WTA para sa waiver ni Eala nga natalana nga magrepresentar sa Pilipinas sa Asian Games sa Japan.
Pareho lang ang schedule sang duha ka tournaments, bangud ang Asian Games ang pagahiwaton sa Setyembre 19 tubtob Oktubre 4, samtang ang China Open naman ang pagahiawaton sa Setyembre 30 tubtob Oktubre 11.
Kon wala sang exemption, mahimo nga madulaan sang ranking points si Eala kag mamultahan sang tubtob US$75,000.
