Sulod na ang Filipina tennis star nga si Alex Eala sa 2nd round sang 2026 Toray Pan Pacific Open matapos ginlutos ang British wildcard nga si Mika Stojsavljevic sa score nga 6-1, 6-2 sa Ariake Coliseum sa Tokyo, Japan.
Bilang no.8 seed sa torneo, nakuha ni Eala ang kadalag-an sa sulod lang sang isa ka oras kag 15 minutos matapos nga gindominar ang iya 17-anyos nga kontra sa duha ka set.
Si Eala nagpakita sang agresibo nga hampang halin sa una nga set tubtob sa ikaduha nga set, lakip ang pagsagang sang tatlo ka break points agud mapadayon ang iya bentaha kag sa katapusan matapos ang hampang.
Sa masunod nga round, atubangon ni Eala ang Australian tennis player nga si Talia Gibson nga yara sa no.38 sa world rankings, matapos nga ginlutos sini si Daria Kasatkina sa una nga round.
Samtang, indi naman makapasakop sa doubles event si Eala matapos nga nag-withdraw ang iya American partner nga si Desirae Krawczyk bangud sa problema sa iya likod.
