Sulod na sa quarterfinals sang Toray Pan Pacific Open ang Filipina tennis star nga si Alex Eala matapos ginlutos ang Australian player nga si Talia Gibson sa tatlo ka set, 4-6, 6-2, 6-0, sa Round of 16 sang torneo.
Nabudlayan si Eala sa una nga set pagkatapos sang hugot nga hampang kag nakuha ni Gibson sa score nga 6-4.
Gilayon naman nga nakabawi ang Pinay tennis star sa ikaduha nga set, amat-amat niya nga nakontrol ang hampang kag nagpakita sang mas agresibo nga performance, lakip na ang service aces, agud magdaug sa set nga may score nga 6-2.
Sa deciding third set, dalayon na nga nga gintapos ni Eala ang hampang sa 6-0 nga iskor agud makasiguro ang puwesto sa quarterfinals.
Pagkatapos sang hampang, nagpasalamat si Eala sa mga Pinoy nga nagpadulong sa Japan agud personal nga suportahan siya.
Nagpasalig man ini nga makita liwat ang iya mga fans sa masunod nga stage sang torneo.
