Gin-atubang sa media si dismissed Bamban, Tarlac Mayor Alice Guo bilang isa na ka detainee.
Sa pag-abot sini sa Pilipinas, nakasuksuk na sang orange T-shirt ang anay alkalde bilang panapot sang isa ka preso nga may nakasulat nga CIDG samtang nakaposas ang mga kamot.
Gintakpan sini sang puti nga tela ang posas kag nakasuksok sang facemask nga itom.
Samtang yara sa eroplano, ginserbi kay Guo ang warrant of arrest nga nagikan sa Capas, Tarlac.
Kadungan sini, naghinyo sang pila ka beses ang yara sa press conference area nga kakason kun tani sang anay alkalde ang mask kag magmensahe sa publiko apang nagpamalibad ini bangud wala siya suno diri sang abogado nga maga-giya sa iya.
Samtang naghatag naman sang separado nga pahayag si Interior Sec. Benhur Abalos, kung sa diin ginsiling ni Guo sa iya nga may pagpamahog ini nga nabaton apang wala na gindetalye pa.
