Ginpasaka na sang National Bureau of Investigation (NBI) sa Department of Justice (DOJ) ang reklamo nga falsification kag mga paglapas sa Anti-Dummy Law batuk kay dismissed Bamban Mayor Alice Guo kag apat ka miyembro sang iya pamilya.
Suno kay NBI spokesperson Ferdinand Lavin, kalakip nga ginreklamo ang mga ginikanan ni Alice nga sanday Jiang Zhong Guo kag Lin Wenyi, kag mga utod nga sanday Shiela kag Siemen Guo.
May kaangtanan ini sa pagbakal sang apat ka parcels sang duta para sa ila nga 3Lin-Q Farm sa Mangatarem, Pangasinan.
Ginpahayag pa ni Lavin nga magluwas pa ini sa ginapangatubang sang pamilya Guo nga 7 counts of falsification for misrepresentations nga ginpasaka sang Securities and Exchange Commission Incorporation papers.
Nakakuha ang NBI ng certifications gikan sa isa ka barangay sa Bulacan nga nagapahayag wala nagaistar halin sadto ang pamilya Guo sa ila nga lugar.
