Tatlo ka panibag-o nga reklamo sang falsification ang ginpasaka sang National Bureau of Investigation (NBI) batuk sa ginsipa nga alkalde sang Bamban, Tarlac, nga si Alice Guo, sa Department of Justice sining Martes.
Suno kay NBI spokesperson Ferdinand Lavin, ang mga reklamo ang may kaangtanan sa pagbakal ni Guo sang tatlo ka duta sa Sual, Pangasinan gamit suno ang peke nga identity.
Suno sa mga awtoridad, si Guo amo si Guo Hua Ping, isa ka Chinese national nga nagbalhin sa Pilipinas sadtong bata pa siya.
Rason, nga ginpahayag sang iya nga abogado nga dapat isa ka korte ang magdesisyon angut sa iya nga matuod nga identity.
Magluwas kay Guo, ginkasuhan man sang human trafficking ang 11 ka opisyal kag empleyado sang Philippine Amusement and Gaming Corp. (PAGCOR), kalakip na si Atty. Jayson Masuerte.
Suno sa NBI, kinahanglan ginamonitor sang mga opisyal sang PAGCOR ang Philippine Offshore Gaming Operations (POGO) hub nga Zun Yuan Technology sa Bamban, apang ginpasugtan suno nila ang mga iligal nga aktibidad sa sulod sini.
Nagko-ordinar na ang NBI sa Civil Service Commission para sa pagpaasaka sang mga kaso nga administratibo batuk sa mga naulamid nga empleyado sang PAGCOR, kalakip na ang gross misconduct, serious dishonesty, kag conduct prejudicial to public service.
