ROXAS CITY-Gin-athag sang alkalde sang banwa sang Cuartero nga wala sang may panibag-o nga nagpositibo sa COVID-19 sa nasambit nga banwa.
Sa ginpaguwa nga official statement ni Mayor Tito Mayo, ginkompirmar sini nga wala sang may nagpositibo sa COVID-19 sa nasambit nga banwa apang ginpahayag sini nga may yara sang mga indibwal nga ginakabig naka-close contact sa nagpositibo nga nagapabilin sa karon sa quarantine facility.
Suno kay Mayo nga natalana nga ipaidalom ang mga ini sa RT-PCR test.
Gin-athag man sini nga ang temporaryo nga pagsarado sang munisipiyo ang wala sang kahilabtanan sa mga nagpositibo sa nasambit nga sakit, apang regular ini nga kabahin sang disinfection.
Nagpanugyan si Mayo nga likawan ang pagpalapta sang fake news natuhoy sa COVID-19.
Liwat nga nagpanawagan si Mayo sa publiko nga padayon ang pag-obserbar sang mga health protocols kalakip na ang pagsuksuk sang facemask, faceshield kag pag-obserbar sang social distancing.
