DUMARAO CAPIZ – Wala sang may nakita nga palatandaan si Atty. Matt Hachuela alkalde sang banwa sang Dumarao nga my nagakatabo nga pagpang-recruit sang mga rebelde nga grupo sa Capiz State University (CapSu) Dumarao Campus.
Sa pagpakig-angut sang Bombo Radyo kay Atty. Matt, ginpahayag sini nga may yara sang ginahimo nga aktibidad ang mga estudyante sang amu nga unibersidad apang amu ang pagbread sang manok kag indi pagtraining agud mangin kabahin sang Communist Party of the Philippines – New People’s Army (CPP-NPA).
Suno diri, wala siya sang nakit-an nga hulag nga pagka-aktibista ang mga estudyante bangud sa pagkamatuod suno sa alkalde nga malinong na ang ila nga banwa.
Gin-ako man ni Atty. Matt sadtong nakaligad ang 10 ka tuig matuod nga may yara sang presensya ang mga rebelde nga grupo apang subong wala na ini sang may nabaton nga report ilabi na sa mga upland barangay sang ila banwa.
