ROXAS CITY -Ginkompirmar sang alkalde sang banwa sang Pilar nga may yara sang tatlo
ka mga sa sakayan nga nadakpan sang Bureau of Fisheries and Aquatic Resources ukon BFAR-Region 6 nga nagapatigayon sang ilegal nga pagpangisda sa kalalawran nga sakop sang nasambit nga banwa sang damlag lang.
Ginpahayag ni Mayor Arnold Perez nga tatlo ka mga hulbot-hulbot nga ginapanag-iyahan sang mga taga-Barangay Natividad ang nadakpan sang BFAR.
Gin-athag ni Perez nga wala nag-untat ang operasyon sang Bantay Dagat-Pilar apang nasamad ang ila sakayan rason nga wala sila naka-operate sang mga tinalikdan nga mga inadlaw.
Samtang gintul-id naman ni Perez nga wala gin-‘arbor’ sang munisipyo ang mga nagkaladakpan nga mga persona kabaliskaran sa alegasyon nga nagalagaw nga ginaalegar naghinyo sila nga panubuan ang penalidad sang mga nagkaladakpan.
Suno kay Perez nga ang mga katapo sang BFAR-Region 6 mismo ang nagtugyan sa LGU sang Pilar sa mga nadakpan rason nga ginsukot sila sang nagakaigo nga penalidad sandig sa ordinansa sang banwa.
