ROXAS CITY – Gilayon nga nag-isyu sang memorandum si Mayor Matt Hachuela, alkalde sang banwa sang Dumarao angut sa ginpapanaug nga executive order ni Governor Fredenil Castro, may kaangtanan sa temporaryo nga pagsuspendi sang quarry operation sa probinsya.
Sa interview sang Bombo Radyo kay Mayor Hachuela, ginpahayag sini nga nakasaaad sa amu nga memorandum nga dapat hugot nga sundon sang mga quarry operators kag sang pumuluyo sa Dumarao ang mandu sang gobernador.
Suno pa sa alkalde nga sa iya pagkahibalo, may mga quarry permit ang pila ka mga quarry operators sa ila banwa kaangay sa sand and gravel sa Brgy. Lawaan, boga sa Brgy. Codingle kag iban pa, apang nagalaum ini nga magsunod sa pasgulondan.
May yara man sang administrative liability ang opisyal sa barangay nga malutsan sang ila residente kag mapaslawan nga matuman ang mandu sang Gobernador.
