ROXAS CITY – Nagpasalig si Maayon Mayor Raymund Malapajo nga pagabuligan nila ang pamilya sang 50-anyos nga mister nga nasapwan sa suba sang Manlupa, Maayon, Capiz.
Ini matapos nga gin-anod ini sang tubig baha sa Barangay Old Guia kag New Guia sang nasambit nga banwa.
Suno kay Malapajo nga masami nga ginabaha ang lugar sang Old Guia kag New Guia kun sa diin nagalapaw ang tubig sa nasambit nga tulay.
Ginklaro sini nga wala pa ini sa pulitiko nadihon na ang nasambit nga tulay.
Mahibaluan nga isa man sa mga problema sa nasambit nga tulay amo ang wala pagbutang sang baral.
Dugang pa sang alkalde nga wala naman sang alagyan ang mga pumuluyo magluwas sa nasambit nga tulay sa tagsa ka magbubo ang ulan.
Ginabulubanta nga nagalab-ot sa 15 meters ang nasambit nga tulay.
Samtang, pagatinguhaan naman sini nga mag request sa National sang budget para sa pag-imprubar sini.
