ROXAS CITY – Nagpasalig ang alkalde sa banwa sang Mambusao, Capiz nga makaayo na sa sulod sang isa ka semana ang hanging bridge nga nagtakilid kag gintunaan sang pagkahulog sang kapin 30 ka mga indibidwal nga nagakumpanyar sa Barangay PangPang Norte, Mambusao.
Ginbuy-an ni Mayor Leodegario ”Jun” Labao Jr., ang pahayag sang mainterview sa Bombo Radyo.
Suno kay Labao nga personal nga kwarta sini ang gamiton sa pagpa-repair sa nasambit nga tulay, bangud nabalaka ini nga mabudlayan pa ang mga pumuluyo sa pagtabuk sa pihak nga barangay para makapanindahan sang ila kinahanglanon.
Apang naghimo na ini sang pauna nga aksyon insigida matapos ang insedente, pinaagi sa pagpadala sang baroto nga gamiton sang mga pumuluyo sa ila nga pagtabuk sa pihak nga barangay.
