Alkalde sang Paris, handa nga languyon ang Seine River agud pamatud-an nga malimpyo ini nga gamiton sa Olympics

Handa nga tumanon sang alkalde sang Paris ang promisa sini nga languyon ang Seine River para masiguro nga malimpyo ini kag luwas nga gamiton sa Olympics.

Ginapahayag nga sadtong nakaligad pa nga bulan, madamo sang nagapakamalaut nga indi luwas ang nasambit nga suba para patigayunan sang pila ka water activities sang Olympics.

Ginpahayag ni Paris Mayor Anne Hidalgo nga magalangoy ini sa masunod nga semana agud ipakita sa publiko nga malimpyo ini.

Mahibaluan nga nakatalana nga maglangoy ang mga atleta sa amu nga suba sa triathlon kag marathon swimming sa Agosto.

Kumpiyansa naman ang organizers sang Paris Olympics nga mangin malimpyo ang suba pila ka adlaw antes ang pormal nga pagsugod sang Paris Olympics.