Alkalde sang Paris, naglangoy sa Seine River agud pamatud-an nga malimyo ini nga gamiton sa Olympics

Gintuman ni Paris Mayor Anne Hidalgo ang promisa sini nga paglangoy sa Seine River.

Ginhimo sang alkalde ang paglangoy agud pamatud-an nga malimpyo ang suba nga pagagamiton sa Paris Olympics.

Magluwas sa paglangoy, nagsalom pa ang 65-anyos nga alkalde kun sa diin ginpabugal sini nga natinluan ang nasambit nga suba.

Sadtong nakaligad nga semana, naglangoy man sa amo nga suba si French Sports Minister Amélie Oudéa-Castéra.

Mahibaluan nga pagahiwaton sa Seine River ang triathlon event kun sa diin base sa pinakaulihi nga water testing, mataas sa gihapon ang E.coli sini nga delikado sa ikaayong lawas sang mga atleta.