ROXAS CITY – Pagapa-imbestigaran sang Police Regional Office-6 ukon PRO-6 sanday Roxas City Mayor Ronnie Dadivas kag Iloilo First District Board Member Marcelo Valentine Serag bangud sa gina alegar pag-upang sa operation sang mga kapulisan sa mga border checkpoints.
Sandig sa ginpaguwa nga press release sang Police Regional Office-6 nga nagsulat si Police Brigadier General Rene Pamuspusan, Regional Director sang PRO-6 kay DILG Secretary Eduardo Año nga nagasaad nga naglapas sa pagsulundan sang Inter-Agency Task Force for coronavirus disease (COVID-19) si Mayor Dadivas bangud wala sini ginpasugtan nga magsulod sa siyudad sang Roxas ang mga deliveries sang mga basic commodities
Samtang si Iloilo Board Member Serag ang gin-akusaran sang mga kapulisan nga nagpangmulay kag nagpakalain sa mga pulis nga naga duty sa checkpoint.
