ROXAS CITY – Nangin makahulugan ang ginbuy-an nga tinaga sang alkalde sang syudad sang Roxas matapos ang pila ka semana nga paglikaw sa publiko kasunod sang kontrobersiyal nga pagkadalahig sa iya pangalan sa mga alkalde sa Western Visayas nga ipaidalum sa lifestyle check sang National Bureau of Investigation (NBI) sa rehiyon 6.
Madamo nga mga empleyado sang Roxas City hall kag supporters ni Mayor Alan Celino ang nalipay sang makita ang presensiya sang alkalde nga nagtambong sa flag raising ceremony nga nagpanguna man sa pagkilala sa mga outstanding personnel sang PNP, BJMP, TMU kag BFP nga may exemplary performance.
Nabatian ang matunog nga palakpak gikan sa mga empleyado sang city hall matapos ginpasiguro sa ila ni Mayor Celino nga mangin merry ang ila nga christmas
Samtang , gin-ako sang alkalde nga ginapangatubang ini nga problema rason nga wala nakita ang iya presensiya sang nagliligad nga mga inadlaw.
Apang nagpasalamat ini sa tanan nga suporta kag pangamuyo nga ginhatag sa iya.
Ginpasiguro man sang opisyal nga malampuwasan sini ang tanan nga pagtilaw sa iya kabuhi sa diin nagapati ini sa hurubaton nga ”I Will Survive”.
