Dismayado ang Alliance of Concerned Teachers sa pahayag ni Palace Press Officer Claire Castro nga ginapahayag may mga manunudlo ang initiator sa pagtudlo sang malain nga batasan sa mga estudyante.
Sa interview sang Bombo Radyo kay Ruby Bernardo, National chairperson sang Alliance of Concerned Teachers, iya ginpahayag nga makahalit sa moral sang mga manunudlo ang kaangay nga pahayag, ilabi na sa tunga sang sunod-sunod nga insidente sang kalakasan sa mga buluthuan.
Suno kay Bernardo, indi patas nga ipatungod sa mga manunudlo ang batasan sang pila ka mga estudyante bangud mayor nga katungdanan sang mga manunudlo amo ang pagtudlo, paggiya kag paghulma sa mga pamatan-on.
Ginapanindugan man sang grupo, sa baylo nga basulon ang mga manunudlo, dapat may yara sang mas madalom nga paghinun-anon sa mga solusyon sang kalakasan sa eskwelahan kag magpatuman sang konkreto nga mga tikang agud maprotektahan ang mga manunudlo kag mga estudyante.
