Ginpanindugan sang Alliance of Concerned Teachers nga dapat ipaatubang bilang testigo si Col. Raymund Dante Lachica sa nagapadayon nga impeachment trial ni Vice President Sara Duterte.
Sa interview sang Bombo Radyo kay Mr. Mike Pante, miyembro sang Alliance of Concerned Teachers, iya ginpahayag nga importante ang presensya ni Lachica agud maathag ang mga isyu nga nagalibot sa paggamit sang confidential funds.
Suno kay Pante, makabulig ang testimonya ni Lachica sa paghatag sang klaro nga impormasyon sa mga transaksyon nga may kaangtanan sa ginadiskusyon nga ₱125 milyon nga confidential funds.
Gindugang niya nga kinahanglan mahibaluan ang kamatuoran kag dapat mahatagan sang kahigayunan ang mga senador nga mamangkot mismo kay Lachica agud ma-verify ang mga alegasyon nga ginpresentar sa impeachment trial.
