ROXAS CITY – Nagalab-ot sa masobra P179.11 million ang kabug-osan nga alokasyon sang 16 ka mga kabanwahanan sa probinsya sang Capiz kag siyudad sang Roxas nagikan sa Bayanihan Grant nga aprubado ni Presidente Rodrigo Roa Duterte.
Ini ang gin-anunsyo sa ginpatigayon nga “Governor’s Update” ni Governor Esteban Evan ‘Nonoy’ Contreras II kaupod si Mambusao Mayor Leodegario Jun Labao Jr. nga ginhiwat sa Esla sa Barangay Lanot sining siyudad.
Nahibaluan nga nagalab-ot sa P8,935,893 ang alokasyon sa banwa sang Cuartero; P9,441,271 naman sa Dao; P9,291, 850 sa Dumalag; P13,751,508 sa Dumarao; P8,383,436 sa Ivisan; P15,055,290 sa Jamindan; P11,175,540 sa Maayon; P11,298,907 sa Mambusao; P11,958,501 sa Panay kag P10,656,860 sa banwa sang Panitan.
Nagalab-ot naman sa P11,241,437 ang alokasyon sa banwa sang Pilar; P12,230,108 sa Pontevedra; P8,842,860 sa Pres. Roxas; P8,671,626 sa Sapian, P9,279,563 sa Sigma kag P18,919,143 naman sa banwa sang Tapaz samtang P54,000,000 naman sa siyudad sang Roxas.
Ang nasambit nga alokasyon ang gamiton bilang pambakal sang mga Personal Protective Equipment’s (PPE’s), Vitamins, Relief Goods kag iban pa nga mga kinahanglanon para sa COVID19 related programs.
Ang nasambit nga Bayanihan Grant ang sandig sa idalom sang Republic Act No. 11469 ukon Bayanihan to Heal As One Act.
