Ginpasiguro sang PSA nga sa husto nga benepisyaryo mahatag ang bulig pinansyal sang gobyerno, padayon ang mabaskog nga pag-usisa sang Philippine Statistics Authority (PSA) sa mga birth records sang mga senior citizen sa pungsod.
Base sa pinakabag-o nga report sang ahensya sadtong Abril 20, 2026, nakumpleto na nila ang 29,546 ka aplikasyon nga ginpaidalom sa ila verification process.
Ang nasambit nga inisyatibo kabahin sang implementasyon sang Republic Act No. 11982, isa ka tikang nga nagahatag sang cash gift para sa mga Pilipino nga nagaedad 80, 85, 90, kag 95 anyos.
Ginpahayag ni PSA Undersecretary kag National Statistician kag Civil Registrar General Claire Dennis S. Mapa nga ang mas hugot nga beripikasyon nagatuyo nga malikawan ang bisan ano nga iregularidad ukon anomalya sa pagpanagtag sang pondo, kag masiguro nga lehitimo ang mga nakalista sa programa.
Dugang man sang opisyal nga padayon ang koordinasyon sang ila ahensya sa mga lokal nga panguluhan agud mapadasig ang proseso kag mapalapit ang serbisyo sa mga tigulangan nga indi na kasarang magbiyahe.
Samtang, nagpanawagan man ang PSA sa mga kwalipikado nga aplikante kag sa ila pamilya nga magpadayon sa pagkooperar sa ginahimo nga beripikasyon agud indi ma delay ang pagpagwa sang ila benepisyo.
