ROXAS CITY – Personal nga nagpadulong sa talatapan sang Bombo Radyo si Tatay Regalado Villaruel agud ipalab-ot nga indi na sini nila ma-contact ang anak nga si Regine Villaruel 24-anyos nga temporaryo nga nagapuyo sa Batangas City.
Suno kay Tatay Regalado, nagpadulong sa Manila si Regine sadtong Abril kag nagpuli sa probinsya sadtong Mayo kag nagtinir lamang sang 5 ka adlaw bangud ginapahayag nga magasakay na ini sa barko international.
Pahayag pa sini nga sumugod naglakat ang iya bata, adlaw-adlaw pa nila ini nga nakaistorya ilabi na nga masami nagapangita ang duha ka mga kabataan sini nga nabilin nga 3 kag 7 ka tuig.
Apang sadtong Hulyo 23, dako ang ila kakibot sang gintawagan nila ini lain na nga tingog ang ila nabatian kag ginapahayag kaupod sang ila bata sa obra nga isa ka tomboy.
Bangud sini, gin-usisa nila ini kag matapos ang ila paghinala indi na sini nila ini macontact tubtob subong.
Panawagan sang Amay nga kun sin-o man ang nakakilala sa iya bata mahimo kun tani nga mapalab-ot sa ila nga tuman sila nga nagakabalaka kag dako nga ginakabalak-an sini ang iya mga kabataan nga nagahenebi bangud wala na nila naka-istorya ang ila iloy.
