Amay pilason matapos nga ginaalegar ginlabo sang kaugalingon nga anak sa banwa sang Jamindan, Capiz

ROXAS CITY-Pilas sa liog ang naangkon sang isa ka amay matapos nga ginaalegar ginlabo sang anak sa Barangay Caridad, Jamindan, Capiz.

Ginkilala ang biktima nga si Rudolfo Patricio 62 anyos sang nasambit nga lugar.

Suno kay Police Staff Sergeant Jerson Vigo sang Jamindan Municipal Police Station nga samtang nagapapuli ang biktima hinali na lamang ini nga gintambangan sang iya anak nga si Reynold Patricio, 33 anyos sang amo nga lugar kag ginlabo gamit ang sanduko.

Gilayon naman nga gindala sa Mambusao District Hospital ang biktima kag padayon sa karon nga ginabulong.

Madasig naman nga nagpalagyo ang suspek matapos ang insidente.

Mahibaluan nga masami ginasaway sang iya anak ang biktima sa tagsa ka mahubog ini.