ROXAS CITY – Nahilway na sa karsel sang Roxas City Police Station ang amay sang isa ka media practitioner nga ginaalegar nagpalupok sang armas luthang sa Baranga Tiza sining siyudad matapos nga gin-dismissed ang ginpasaka nga kaso batuk sa iya.
Ginkilala ang amay sini nga si Roberto Bobby Gonzales sang amo nga lugar.
Nahibaluan nga nahilway ini pinaagi sa resolusyon nga gin-isyu sang assistant city prosecutor nga si Hon. Eduardo D. Delfin.
Matandaan nga ginpanginwala ni April ‘Wepol’ Gonzales ang alegasyon ni Mr. Marlon Chua nga nagpalupok ini sang armas-luthang sa nasambit nga lugar.
Ginkompimar sini nga gindul-ong ini sang kaupdanan sa trabaho apang hugot nga ginpanindugan nga wala ini sang ginabitbit nga armas-luthang.
Aminado si Wepol nga yara ini sa idalom sang impluwensya sang makahulubog nga ilimnon apang gin-athag nga wala ini nagbato sa mga nagresponde nga mga kapulisan.
Samtang, nagapabilin sa gihapon nga nakahunong sa karsel sang Roxas City Police Station si Wepol.
