MAAYON CAPIZ – Daw kaangay sapat ang iya ginhimo sa akun bata nga-a gin-utdan gid kamot, kun tani ginreport nalang sa barangay.
Ini ang nagahilibion nga pahayag ni Severo Sumagaysay Jr. amay sang biktima sang mainterview sang Bombo Radyo.
Suno kay tatay Severo bilang isa ka amay masakit para sa iya ang nadangatan sang iya bata ilabi na nga Person with disabilities (PWD) ini.
Matandaan nga ginalabo-utod ang wala nga kamot sang bata sini nga si Junjun samtang nagahabil-habil naman ang natuo nga bahin matapos ginapahayag pwersahan nga ginbuksan sini ang pertahan sang kusina kag masal-an nga makawat sang suspek nga si Richard sa Barangay Quinat-uyan, banwa sang Maayon.
Pahayag pa sini nga kun tani ginreport nalang sa ila barangay ang natabo sa baylo nga lab-on ini.
Mahibaluan nga sang natabo ang insidente takna 6:00 sang kasilum samtang nagaluto ini sa kusina nabatian niya nga nagbukas ang ila gate rason agud magdali-dali ini nga tsekyaron ang iya bata.
Bangud nakit-an sini nga wala sa kwarto ang iya bata, gilayon man siya suno diri nga naguha agud pangitaon apang bangud madulum na ginpakamaayo na lamang niya nga magpadulong sa talatapan sang Maayon Municipal Police Station agud i-report nga nadula ang iya bata.
Matapos ang isa ka oras, nagpanawag ang pulis sa iya agud ipahibalo nga may yara sang bata nga lalaki nga nakit-an sa Barangay Quinat-uyan.
Bangud sini, gilayon niya ini nga ginpadulungan apang dako ang iya kaakig kag kaluoy sang makit-an ang iya bata nga nagahelibion na kag utod na ang wala sini niya nga kamot samtang daw halos mautod naman ang tuo nga bahin.
Samtang, aminado man si tatay Severino nga sang nakaligad nga isa ka tuig masami nga nagaguha ang ila bata apang samtang nagadugay nakitaan niya ini nga amat-amat na nga naga-improved.
Ginklaro man sini nga wala sila nagpabaya bilang ginikanan kag sa pagkamatuod suno diri hands on sila nga mag-asawa nga naga-atipan sa ila bata nga PWD nga may autism.
Sa karun, indi pa makadesisyon ang ila pamilya kun magapasaka sang kaso batuk sa suspek.
